Сегодня: 14 апреля 2024
Russian English Greek Latvian French German Chinese (Simplified) Arabic Hebrew

Все, что вам будет интересно знать о Кипре
CypLIVE, самый информативный ресурс о Кипре в рунете

Святитель Николай Японский: православная миссия под страхом смерти

17 февраля 2024 |Источник: ФОМА |Автор: ХОРЬКОВА Мария
Теги: Религия, Православие
Святитель Николай Японский: православная миссия под страхом смерти

Летом 1860 года 25-летний иеромонах Николай (Касаткин) отправился из Петербурга в Японию — страну, с которой у России только-только налаживались дипломатические и экономические связи. Он горел желанием просветить японцев Светом Истины, хотя за проповедь христианства в стране была установлена смертная казнь. Святитель отдал этой миссии всю жизнь, и труды не пропали даром: к моменту его кончины русская духовная миссия в Японии прочно стояла на ногах, а православных японцев в стране было более 30 000 человек.

Житие и икона святителя Николая Японского

Будущий святитель, в миру Иван Касаткин, родился в 1836 году в Смоленской губернии. В 1860-х годах, когда он учился в Санкт-Петербургской духовной академии, в связи с установлением и развитием дипломатических отношений с Японией зазвучала идея о развитии православной миссии в этой стране. Иван, который с юности мечтал о миссионерском служении, подал соответствующее прошение. «Студентов охотников (т. е. желающих посвятить себя миссионерству) записалось тогда человек 10-12, — вспоминал один из его однокашников, — и все при условии женитьбы, а Касаткин —- один монахом и перебил всех».

1 августа 1860 года он, уже будучи иеромонахом, отправился в путь, чтобы служить в церкви при русском консульстве в городе Хакодате, но был вынужден остановиться на зимовку в Николаевске, епархиальном центре Камчатки (сейчас город называется Николаевск-на-Амуре). Там он познакомился с известным миссионером архиепископом Иннокентием (Вениаминовым), просветителем Камчатки. Владыка Иннокентий дал молодому миссионеру много наставлений и советов. В частности, имея огромный опыт общения с язычниками и зная, как важен для них представительный облик проповедника, он убедил его купить бархат для новой рясы и собственноручно выкроил ее.

Святитель Николай Японский: православная миссия под страхом смерти
Архиепископ Иркутский Иннокентий (Вениаминов)

Миссионерство в Японии было делом непростым и в буквальном смысле смертельно опасным: согласно закону 1614 года, который тогда еще действовал, за проповедь христианства полагалась смертная казнь. Впоследствии ее заменили ссылкой на Сахалин (с 1905 по 1945 южная часть острова принадлежала Японии), а сам закон фактически перестали применять.

Первые годы в Японии иеромонах Николай посвятил изучению языка, истории, быта и обычаев страны. Примерно в 1866 году он принялся за перевод Нового Завета на японский язык. Это была очень кропотливая работа, ведь святитель тщательно выверял текст по греческому оригиналу, китайскому и разным европейским переводам, а также пользовался толкованием святителя Иоанна Златоуста в сложных случаях. К 1868 году были готовы переводы большей части Нового Завета, а также «Зерцала православного исповедания» святителя Димитрия Ростовского, утренних и вечерних молитв и некоторых других текстов.

В это же время он крестил первых обращенных в православие японцев. Они стали миссионерами и катехизаторами, впоследствии отправившись на проповедь во все концы страны. Проповедь была успешной, численность паствы росла.

Спустя некоторое время Николай (Касаткин) возглавил Русскую духовную миссию, открывшуюся в Токио. Здесь был построен православный храм, открылось духовное училище, началось издание местного «Церковного вестника», переводились книги, был создан богословский словарь. Церковные службы и преподавание велись на японском языке. В 1880 году отец Николай был рукоположен в епископа, а в 1906 году возведен в сан архиепископа.

На улицах Токио. Фото 1905 г.
На улицах Токио. Фото 1905 г.

Труднейшим периодом в жизни святителя стала Русско-японская война 1905 года. Когда начались боевые действия, святитель произнес в кафедральном соборе слово, где говорилось, в частности, о том, что патриотизм — это христианское чувство, поэтому японцы должны молиться о победе Японии, сражаться с Россией (но не из ненависти к врагу, а из любви к Родине), но сам он, будучи русским подданным, молиться за победу Японии не может. Он также решил, что не будет принимать участие в общественных богослужениях, а посвятит себя переводу богослужебных книг. Утешением для святителя в это время стала работа с пленными в Православном обществе духовного утешения военнопленных.

По окончании войны выдающиеся труды святителя в эти сложные годы были отмечены Высочайшим рескриптом, в котором император Николай II написал: «В тяжкое время войны, когда оружие брани разрывает мирные отношения народов и правителей, Вы, по завету Христову, не оставили вверенного Вам стада, и благодать любви и веры дала Вам силу… удержать мир веры и любви в Церкви, трудами Вашими созданной». Служение святителя Николая во время войны еще больше сблизило его с паствой и с Японией.

Успех миссии святителя Николая, которая длилась полвека, был поразителен: к моменту его смерти в 1912 году в Японской Православной Церкви было 266 общин, объединявших порядка 33 000 православных японцев.

Младший современник святителя протоиерей Иоанн Восторгов, посетивший Японию в начале ХХ века, писал: «Не было человека в Японии, после императора, который пользовался бы в стране такою известностью. В столице Японии не нужно было спрашивать, где русская православная миссия, довольно было сказать одно слово “Николай”, и буквально каждый рикша сразу знал, куда нужно было доставить гостя миссии. И православный храм назывался “Николай”, и место миссии также “Николай”, даже само православие называлось именем “Николай”. Путешествуя по стране в одежде русского священника, мы всегда и всюду встречали ласковые взоры, и в словах привета и разговора по поводу нас мы улавливали слухом среди непонятных слов и выражений незнакомого языка одно знакомое и дорогое: “Николай”…»

Современники равноапостольного Николая отмечали, что он был высокого роста, правильного сложения, имел светлые волосы. По воспоминаниям современников, на людей особенно производили впечатление «энергичное выражение лица и своеобразно блестящие голубые глаза» святителя.

В архивах сохранилось немало фотографий, запечатлевших святителя Николая в разные периоды его жизни. Они стали основой для написания икон святого.

Святитель Николай Японский: православная миссия под страхом смерти
Групповая фотография участников Всеяпонского Православного Собора 1882 г. В центре сидит св. равноап. Николай Японский

Интересно, что первые иконы появились еще до его прославления. Сохранился образ, написанный маслом на металлической пластине (возможно, его заказали русские моряки) вскоре после кончины святителя Николая. Святой изображен на фоне пейзажа в архиерейском облачении. Правая рука благословляет. У верхнего края пластины сохранилась надпись: «С(т). Оцъ Нiколай».

К прославлению святого в 1970-х годах поясную икону написала монахиня Иулиания (Соколова). На ней он изображен старцем с правильными чертами аскетически худощавого лица. Святитель представлен в архиепископском облачении: клобуке с крестом, мантии с источниками и со скрижалями с изображением херувимов, на груди — панагия с образом Божией Матери. Различные варианты этой иконы стали самыми распространенными среди изображений святого.

Дневники Николая Японского

С 1879 по 1911 год святитель Николай практически ежедневно вел дневник. Большинство его записей было посвящено делам миссии, но встречались и размышления, и выражение эмоций. Дневниковые записи раскрывают и черты характера святителя, который, будучи монахом, да еще и вдали от Родины, нередко чувствовал себя одиноким: «Несчастный дневник, слушай хоть ты иногда мои терзания душевные! —писал он. — Как-то легче, когда выскажешься хоть тебе — безответному. Больше — некому, да и ни к чему: никто не может помочь моему горю, кроме Бога — и меня же самого».

Из дневников святителя видно, что за духовное просвещение Японии он буквально был готов отдать душу: «Скоро ль из сей жизни на покой? Часто приходит в голову мысль эта. Быть может — предвестие близкой смерти. Что ж, в тот момент, когда я умру, двое родятся на свет — рождений больше ведь, чем смертей, — о чем же думать? Мысли не стоит: колесо жизни вертится, — мы теперь еще на нем, а завтра, быть может, — под ним, и раздавлены будем, — общий удел всего живущего — материального. Что-то с душой будет? О-ох! Да пусть и ее — гибнет, лишь бы Япония сделалась православною».

После смерти святителя в 1912 году дневники по указанию Синода были отосланы в Россию и хранились в архиве Синода, а затем в ЦГИА (РГИА).

В 1990-х годов началось знакомство с фрагментами дневников широкого читателя, а в 2004 году вышло полное научное издание дневников в 5 томах под редакцией японского профессора Кэнноскэ Накамуры (при посредничестве АН СССР он начал работу над ними еще в конце 1970-х годов). В 2007 году опубликован полный перевод дневников на японский язык в 9 томах.

Мощи Николая Японского

Мощи святого Николая Японского находятся в Токио, на кладбище Янака.

Святитель Николай скончался в Японии в феврале 1912 года. В похоронах участвовали десятки тысяч человек, процессия растянулась на 10 километров. На могилу святителя прислали венки император Мэйдзи и японский принц Котохито (иностранцы подобной чести удостаивались крайне редко).

Почитание святителя Николая началось задолго до его смерти. Современники прямо говорили, что это человек святой жизни. 10 апреля 1970 года решением Священного Синода Московского Патриархата причислен к лику святых. Эта канонизация прошла тихо и незаметно — такие условия поставили власти. Службу святителю написал митрополит Ленинградский и Новгородский Николай (Ротов). В РПЦЗ канонизация святителя Николая совершилась в 1994 году.

Как было сказано выше, мощи святого до сих пор покоятся на кладбище Янака, но некоторые частицы были извлечены и распределены по храмам разных стран. Так, частицы мощей святителя находятся в токийском Воскресенском соборе, в Никольском храме в поселке Мирный Оленинского района Тверской области, в Успенском храме Владивостока, в московском храме в честь Собора Московских святых в Бибиреве, в Петропавловском женском монастыре Хабаровской епархии и некоторых других храмах.

Святитель Николай Японский: православная миссия под страхом смерти
Могила святого на кладбище Янака

Молитва Николаю Японскому

Молитва равноапостольному Николаю, архиепископу Японскому

О, вели́кий уго́дниче Христо́в, равноапо́стольный святи́телю Нико́лае! Услы́ши ны, раб Бо́жиих (имена), и при́зри на не́мощи на́ша, и умоли́ Премилосе́рдаго Царя́ Небе́снаго, да не прогне́вается на ны зело́ и да не погуби́т нас со беззако́ньми на́шими, но да поми́лует и спасе́т нас по ми́лости Свое́й, да всади́т в сердца́ на́ша покая́ние и спаси́тельный страх Бо́жий, да просвети́т Свое́ю благода́тию ум наш, во е́же оста́вити нам стези́ нече́стия и неукло́нно же за́поведи Бо́жия твори́ти и уста́вы Святы́я Це́ркве соблюда́ти. Моли́, благосе́рде, Человеколю́бца Бо́га, да яви́т нам вели́кую ми́лость Свою́ и да изба́вит нас, к святе́й ико́не твое́й с ве́рою прибега́ющих, от бед и напа́стей, неду́гов теле́сных и душе́вных, и да сподо́бит Ца́рствия Своего́ Небе́снаго во ве́ки веко́в. Ами́нь.

Молитва 2-я равноапостольному Николаю, архиепископу Японскому

Свя́тче Бо́жий, па́стырю до́брый, де́лателю ве́рный виногра́да Христо́ва, равноапо́стольне Нико́лае! При́зри на гра́д сей и на лю́ди сия́, моли́ Христа́ Бо́га, да сохрани́т па́ству твою́ от волко́в губя́щих ю́, да низпо́слет нам Ду́ха Своего́ Свята́го дар, во е́же умудри́ти нас ходи́ти пред Ним во вся́ком благоче́стии и чистоте́ во вся дни жи́зни на́шея: да славосло́вяще и́мя Его́ всесвято́е во дни и но́щи, сподо́бимся бы́ти насле́дницы жи́зни ве́чныя, и просла́вим Отца́, и Сы́на, и Свята́го Ду́ха, ны́не и при́сно, и во ве́ки веко́в. Ами́нь.

Акафист Николаю Японскому

Акафист святому равноапостольному Николаю, архиепископу Японскому

Конда́к 1

Избра́нный от родо́в ру́сских на благове́стие Христо́во/ в стране́ Япо́нской, ду́шу твою́ полага́л еси́ за о́вцы твоя́,/ утвержда́я их в ве́ре и́стинней./ Те́мже по́двиги твоя́ почита́юще, хва́лим тя:// Ра́дуйся, святы́й равноапо́стольный Нико́лае, земли́ Япо́нския просвети́телю.

И́кос 1

А́нгел, я́коже Тови́и иногда́, спутеше́ствова тебе́, о́тче Нико́лае, егда́ в млада́я ле́та твоя́ напра́вил еси́ стопы́ в страну́, дале́че отстоя́щую, да просвети́ши лю́ди, во тьме неве́дения седя́щия, све́том Ева́нгелия Христо́ва. Сего́ ра́ди вопие́м ти си́це:

Ра́дуйся, Смоле́нския земли́ сла́вное рожде́ние;

ра́дуйся, от младе́нства храм Бо́жий возлюби́вый.

Ра́дуйся, в сиротстве́ Богома́терию Одиги́триею не оста́вленный;

ра́дуйся, духо́вными уче́ньми умудре́нный.

Ра́дуйся, на бде́нии всено́щнем призва́ние на труд апо́стольский прие́мый;

ра́дуйся, сла́дость ми́ра ни во что́ же вмени́вый.

Ра́дуйся, чи́на а́нгельскаго и са́на свяще́ннаго удосто́енный;

ра́дуйся, к неве́дящим спасе́ния ми́лости испо́лненный.

Ра́дуйся, пропове́дати Ева́нгелие вожделе́вый;

ра́дуйся, и да́льних я́ко бли́жних возлюби́вый.

Ра́дуйся, гоне́ния за ве́ру не страши́выйся;

ра́дуйся, ко́зней вра́жиих не убоя́выйся.

Ра́дуйся, святы́й равноапо́стольный Нико́лае, земли́ Япо́нския просвети́телю.

Конда́к 2

Ви́дя по́двиги святи́теля Инноке́нтия, богому́драго просвети́теля Сиби́рскаго и Алеу́тскаго, и от того́ благослове́ние и наставле́ние на путь свой прие́м, поревнова́л еси́ ему́, сло́во Бо́жие лю́дем непросвеще́нным неуста́нно пропове́дуя и Го́сподеви поя́: Аллилу́ия.

И́кос 2

Ра́зум во смире́нии яви́л еси́, свя́тче, Го́споду моля́ся о е́же прия́ти я́сное разуме́ние язы́ка япо́нскаго: «Ка́ко пропове́даю наро́ду чужде́му? Ка́ко отве́рзу уста́ неиску́сная, а́ще не Сам Ты наста́виши мя?» Мы же, дивя́щеся, ка́ко ты словесы́ богодохнове́нными па́ству твою́ свои́м ей наре́чием поуча́л еси́, восхваля́ем тя:

Ра́дуйся, любо́вию Христо́вою вся побежда́вый;

ра́дуйся, духо́вныя младе́нцы словесы́ Ева́нгельскими пита́вый.

Ра́дуйся, вражду́ющия в ча́да любо́вию претвори́вый;

ра́дуйся, тех грехи́ креще́нием омы́вый.

Ра́дуйся, уче́ньми неуста́нными ве́ру укрепля́вый;

ра́дуйся, наста́вник рачи́тельный и до́брый яви́выйся.

Ра́дуйся, пресви́теров япо́нских поста́вивый;

ра́дуйся, церко́вный чин устро́ивый.

Ра́дуйся, о стране́ Япо́нской моли́твенниче;

ра́дуйся, согла́сия бра́тскаго побо́рниче.

Ра́дуйся, свети́льниче ве́ры правосла́вныя;

ра́дуйся, сокро́вище кро́тости духо́вныя.

Ра́дуйся, святы́й равноапо́стольный Нико́лае, земли́ Япо́нския просвети́телю.

Конда́к 3

Си́ла Вы́шняго осени́ и укрепи́ тя, о́тче, егда́ прише́л еси́ в страну́ язы́ческую, сме́рти ча́да своя́ предаю́щую за прия́тие благове́стия Христо́ва. Ты же, в земли́ сей прозрева́я ни́ву Бо́жию, воспева́л еси́ Спаси́телю: Аллилу́ия.

И́кос 3

Име́яй любо́вь нелицеме́рную, ча́ял еси́ страну́ Япо́нскую бы́ти неве́сту укра́шенную, Жениха́ Христа́ на брак ожида́ющую, оба́че срето́ша тя наро́ди, про́поведи Ева́нгельския чужда́ющиися. Те́мже почита́юще по́двиг апо́стольства твоего́ в земли́ сей, прославля́ем тя:

Ра́дуйся, се́ятелю сло́ва Бо́жия неле́ностный и ще́дрый;

ра́дуйся, всемогу́щею си́лою Креста́ Госпо́дня укрепле́нный.

Ра́дуйся, сто́лпе ве́ры и благоче́стия непоколеби́мый;

ра́дуйся, па́стырю небоя́зненный и чадолюби́вый.

Ра́дуйся, ра́зум имы́й богопросвеще́нный;

ра́дуйся, пропове́дниче неумолка́ющий.

Ра́дуйся, в послуша́нии во́ли Бо́жией утверди́выйся;

ра́дуйся, помо́щника кре́пка себе́ Бо́га стяжа́вый.

Ра́дуйся, испове́дников соприча́стниче;

ра́дуйся, ве́рный о нас моли́твенниче.

Ра́дуйся, скорбя́щих ми́лостивый уте́шителю;

ра́дуйся, по за́поведи Госпо́дни враги́ своя́ люби́вый.

Ра́дуйся, святы́й равноапо́стольный Нико́лае, земли́ Япо́нския просвети́телю.

Конда́к 4

Бу́рю лю́тую воздвиго́ша на правосла́вных христиа́н служи́телие и́дольстии, зре́ти не терпя́щии числа́ ве́рных умножа́емаго и Це́ркве Христо́вы созида́ющияся. Ты же, ра́дуяся му́жеству и терпе́нию чад твои́х, в темни́цах заключе́нных, ку́пно с ни́ми возглаша́л еси́ Бо́гови: Аллилу́ия.

И́кос 4

Слы́шаще, я́ко уче́ние Христо́во вся наро́ды объе́млет и прие́млет их равноче́стно, и я́ко оби́тели ве́рным мно́ги на Небесе́х Госпо́дь угото́ва, притека́ху к тебе́, па́стырю до́брый, му́жие и жены́, о́троцы и ста́рцы; те́мже и мы возглаша́ем ти:

Ра́дуйся, ма́лое ста́до Христо́во собра́вый;

ра́дуйся, те́сным путе́м к Бо́гу его́ приведы́й.

Ра́дуйся, Аки́ле и Приски́лле подража́ти ве́рныя научи́вый;

ра́дуйся, це́ркви дома́шния утверди́вый.

Ра́дуйся, о́бщия трапе́зы благослови́вый;

ра́дуйся, ча́да в беда́х николи́же оставля́вый.

Ра́дуйся, кре́пким в ве́ре немощны́я вруча́вый;

ра́дуйся, изнемога́ющих оте́ческою дла́нию держа́вый.

Ра́дуйся, му́дро на ни́ве Христо́вой се́явый;

ра́дуйся, Це́рковь на ка́мени тве́рдем стро́ивый.

Ра́дуйся, ра́бе усе́рдный, вруче́ннаго тала́нта не сокры́вый;

ра́дуйся, разсужде́ние духо́вное оби́льне яви́вый.

Ра́дуйся, святы́й равноапо́стольный Нико́лае, земли́ Япо́нския просвети́телю.

Конда́к 5

Боготе́чная звезда́ яви́лся еси́, о́тче, Со́лнцу Пра́вды Христу́ служа́ ре́вностне и ко Го́споду приводя́ ве́рных, я́коже дре́вле звезда́ Вифлее́мская. Егда́ же возведе́н был еси́ в сан архиере́йский, благода́ть сугу́бую Це́рковь Бо́жию устроя́ти и ду́ши челове́ческия просвеща́ти прия́л еси́. Светоно́сною же моли́твою твое́ю и мы осеня́емии, вопие́м Христу́: Аллилу́ия.

И́кос 5

Ви́дя ка́пища и́дольская, со слеза́ми моля́шеся святы́й: «Где сози́жду це́рковь Тебе́, Го́споди?» — и бы́сть услы́шана моли́тва его́. Чу́дный храм Воскресе́ния Христо́ва во гра́де То́кио труды́ мно́гими и по́мощию люде́й ру́сских воздви́жеся. Сего́ ра́ди и мы богоно́сному святи́телю, в его́же па́мять доны́не храм той Никола́йдо нарица́ется, возно́сим похвалы́ таковы́я:

Ра́дуйся, я́ко еле́нь на исто́чники водны́я, к Боже́ственней Трапе́зе притека́вый;

ра́дуйся, собо́р Воскре́сения Христо́ва и други́я хра́мы возведы́й.

Ра́дуйся, Крест над гра́дом сто́льным утверди́вый;

ра́дуйся, звон кампа́нный до небесе́ вознесы́й.

Ра́дуйся, пла́мень гоне́ния на христиа́н угаси́вый;

ра́дуйся, почита́ние премно́гое в лю́дех япо́нских стяжа́вый.

Ра́дуйся, благи́м обы́чаем не возбрани́вый;

ра́дуйся, дру́га и бра́та в наро́де япо́нском обреты́й.

Ра́дуйся, Бо́гом по́сланный просвети́телю;

ра́дуйся, ве́рный Госпо́день домоправи́телю.

Ра́дуйся, ны́не увенча́нный сла́вою Небе́сною;

ра́дуйся, торжеству́яй ди́вно си́лою Кре́стною.

Ра́дуйся, святы́й равноапо́стольный Нико́лае, земли́ Япо́нския просвети́телю.

Конда́к 6

Пропове́дницы свята́го Ева́нгелия ра́дуются в го́рних черто́зех, прие́млюще тя, я́коже собра́та. Мы же, сро́дницы твои́, в прославле́нии твое́м ми́лость Бо́жию к нам гре́шным зря́ще ве́лию, Бо́гу воспева́ем: Аллилу́ия.

И́кос 6

Возсия́л еси́ я́ко звезда́ но́вая, о́тче Нико́лае, от земли́ Смоле́нския да́же до страны́ Япо́нския доше́д, и апо́стольскими труды́ ди́вным ру́сским святы́м уподо́бився: Вла́димиру равноапо́стольному, Стефа́ну Перми́ просвети́телю, Инноке́нтию Ирку́тскому и Ге́рману Аля́скинскому, и́же суть Це́ркви на́шей боже́ственное сия́ние. Мы же, вели́кия ра́дости испо́лнени, в ли́це сем прославля́ем тя, но́ваго Бо́жия уго́дника:

Ра́дуйся, диа́кона благочести́ваго до́брый сы́не;

ра́дуйся, нищету́ смире́нно претерпе́вый.

Ра́дуйся, обе́т нестяжа́ния Бо́гу принесы́й;

ра́дуйся, обеща́ния и́ноческая да́же до сме́рти соблюды́й.

Ра́дуйся, архипа́стырю, в ри́зы ве́тхия облече́нный;

ра́дуйся, во убо́гих ке́лиях пожи́вый.

Ра́дуйся, в ми́ре живы́й, оба́че мирска́я презре́вый;

ра́дуйся, до преде́лов зело́ да́льних доше́дый.

Ра́дуйся, му́дрый наста́вниче новопросвеще́нных;

ра́дуйся, попечи́телю о рыбака́х а́йнских.

Ра́дуйся, сподви́жников себе́ во учи́лищех возрасти́вый;

ра́дуйся, вертогра́д в земли́ Япо́нской насади́вый.

Ра́дуйся, святы́й равноапо́стольный Нико́лае, земли́ Япо́нския просвети́телю.

Конда́к 7

Хотя́й Це́ркви Япо́нской па́стырей до́брых и миря́н ве́рных возрасти́ти, о́тче Нико́лае, устроя́л еси́ шко́лы и учи́лища духо́вная, и собра́л еси́ наста́вников прему́дрых, и пе́ние церко́вное до́бре учини́л еси́, во е́же па́стве мно́гой вы́ну с тобо́ю пе́ти: Аллилу́ия.

И́кос 7

Но́вое яви́ся торжество́ во гра́де То́кио, егда́ соверша́ше святи́тель пра́зднование Воскресе́ния Христо́ва в хра́ме собо́рнем, тогда́ ви́деша лю́дие япо́нстии Па́сху Бо́жию спаси́тельную. Мы же, доброде́телем твои́м, о́тче Нико́лае, дивя́щеся, вопие́м велегла́сно:

Ра́дуйся, устрои́телю церко́внаго пи́ра честне́йший;

ра́дуйся, в ве́це жесто́цем любо́вь Христо́ву сохра́ньший.

Ра́дуйся, на всяк день и час спасе́ния ра́ди бли́жних подвиза́выйся;

ра́дуйся, неле́ностне ве́рныя посеща́вый и наставля́вый.

Ра́дуйся, в преложе́нии свяще́нных книг да́же до кончи́ны труди́выйся;

ра́дуйся, благода́ть Бо́жию в де́лании непреста́ннем стяжа́вый.

Ра́дуйся, про́поведию зерно́ горчи́чное насади́вый;

ра́дуйся, дре́во прекра́сное ве́ры возрасти́вый.

Ра́дуйся, плоды́ трудо́в свои́х при исхо́де узре́вый;

ра́дуйся, дре́во сие́ многопло́дное нам завеща́вый.

Ра́дуйся, и по кончи́не неве́дущия к Бо́гу приводя́й;

ра́дуйся, пребыва́яй ны́не со все́ми святы́ми в раи́ Иису́сове.

Ра́дуйся, святы́й равноапо́стольный Нико́лае, земли́ Япо́нския просвети́телю.

Конда́к 8

Стра́нная и чу́дная ви́деша лю́дие, егда́ христиа́не япо́нстии во́ином ру́сским плене́нным бра́тски служа́ху и вся́кое милосе́рдие тем явля́ху. Мы же, плодо́м любве́ Христо́вы в новопросвеще́нных ча́дех Це́ркве Япо́нския дивя́щеся, Го́споду пе́снь воспои́м: Аллилу́ия.

И́кос 8

Всего́ себе́ преда́л еси́ на служе́ние Бо́гу, равноапо́стольне Нико́лае, и лю́дем та́кожде о Го́споде служа́ непреста́нно, обоя́ запове́данная прему́дре испо́лнил еси́. Те́мже тебе́, ца́рским путе́м доброде́телей проше́дшему, умиле́нно воспева́ем:

Ра́дуйся, Бо́жий усе́рдный служи́телю;

ра́дуйся, плене́нных ру́сских во́инов попечи́телю.

Ра́дуйся, Безкро́вную Же́ртву за лю́ди твоя́ приноси́вый;

ра́дуйся, ду́ши смуще́нныя умири́вый.

Ра́дуйся, па́ству твою́ в тя́жкия дни бра́ни не оста́вивый;

ра́дуйся, ду́шу свою́ за па́ству полага́вый.

Ра́дуйся, ми́лости и му́жества наста́вниче;

ра́дуйся, отве́рженных ти́хое приста́нище.

Ра́дуйся, сокро́вище смире́ния;

ра́дуйся, о́бразе покая́ния.

Ра́дуйся, ве́ро непосты́дная;

ра́дуйся, любо́вь непобеди́мая.

Ра́дуйся, святы́й равноапо́стольный Нико́лае, земли́ Япо́нския просвети́телю.

Конда́к 9

Вся́кое дре́во по плода́м познае́тся, плод же трудо́в твои́х ве́лиих есть спасе́ние люде́й премно́гих. Яви́ша бо ся мно́гия ты́сящи правосла́вных христиа́н та́мо, иде́же пре́жде не бе ни еди́наго. Сего́ ра́ди возопии́м наста́вльшему тя на пропове́дание твое́ Го́споду: Аллилу́ия.

И́кос 9

Вети́и многовеща́ннии подвиго́м твои́м изумля́ются, А́нгели с тобо́ю ликовству́ют, мы же, разуме́юще смире́нное и подви́жническое житие́ твое́, духо́вную брань проти́ву ми́ра, пло́ти и диа́вола непреста́нную, и терпе́ние премно́гое, хва́лим тя си́це:

Ра́дуйся, не дре́вле, но в после́дняя времена́ подвиза́выйся;

ра́дуйся, лю́тую брань уны́ния победи́вый.

Ра́дуйся, Христа́ безстра́шное испове́дание;

ра́дуйся, безбо́жия, язы́чества и ересе́й посрамле́ние.

Ра́дуйся, о́бразе архипа́стыря правосла́внаго;

ра́дуйся, исто́чниче ве́дения духо́внаго.

Ра́дуйся, нераде́ния на́шего обличе́ние;

ра́дуйся, во бране́х духо́вных укрепле́ние.

Ра́дуйся, моле́ния оте́чески прие́мляй;

ра́дуйся, проше́ния на́ша исполня́яй.

Ра́дуйся, безсме́ртныя ра́дости испо́лненный;

ра́дуйся, воздая́нием мно́гим обогаще́нный.

Ра́дуйся, святы́й равноапо́стольный Нико́лае, земли́ Япо́нския просвети́телю.

Конда́к 10

Спасти́ всеусе́рдно тща́лся еси́ лю́ди отча́янныя, И́стиннаго Бо́га не ве́дущия. И вся́кому вопроша́ющему, прему́дрому и некни́жному, я́сный отве́т о твое́м упова́нии возвеща́л еси́. Ны́не же, в се́ни сме́ртней свет узре́вшая, ча́да твоя́ со все́ю Це́рковию вопию́т: Аллилу́ия.

И́кос 10

«Стена́ неруши́ма бу́ди ча́дом Це́ркве но́выя, о Пресвята́я Де́во Богоро́дице!» — те́пле моля́шеся святи́тель. Пребыва́ше бо Це́рковь Япо́нская посреде́ инове́рия. Мы же, зря́ще ны́не кре́пость и ве́рность христиа́н япо́нских, пое́м богому́дрому па́стырю си́це:

Ра́дуйся, па́ствы твоея́ моли́твенный покро́ве;

ра́дуйся, Го́споду и Ма́тери Его́ сию́ вруча́яй.

Ра́дуйся, отроко́в и отрокови́ц моли́тися научи́вый;

ра́дуйся, высоту́ целому́дрия ю́ным изъясни́вый.

Ра́дуйся, бра́ки честны́я соверша́вый;

ра́дуйся, градо́м и ве́сем мир приноси́вый.

Ра́дуйся, ста́рцу отцу́ до кончи́ны помога́вый;

ра́дуйся, во всех ну́ждах упова́ние на Бо́га возлага́вый.

Ра́дуйся, хитросплете́ния злове́рных разруши́вый;

ра́дуйся, хле́бом Сло́ва Бо́жия па́ству твою́ насы́тивый.

Ра́дуйся, ду́шу за лю́ди япо́нския полага́вый;

ра́дуйся, успе́нием твои́м ча́да радостопеча́лия испо́лнивый.

Ра́дуйся, святы́й равноапо́стольный Нико́лае, земли́ Япо́нския просвети́телю.

Конда́к 11

Пе́ние надгро́бное мно́гажды соверша́шеся, и сле́зы мно́гия пролива́шася, егда́ почи́ святи́тель Бо́жий, испо́лнив ле́та до́лга и до дне́ после́дняго не оста́вив трудо́в и попече́ний о возлю́бленней па́стве свое́й. Оба́че благода́тию Боже́ственною утеша́емии, воспева́ша ча́да твоя́, о́тче Нико́лае, Го́сподеви: Аллилу́ия.

И́кос 11

Све́тло Це́рковь Япо́нская прия́т благове́стие на наре́чии свое́м от тебе́, просвети́телю и́стинный, уподо́бился бо еси́ вселе́нским учи́телем, преложи́в Свяще́нное Писа́ние и слу́жбу Боже́ственную на язы́к япо́нский, избира́я пи́сьмена и начерта́ния, прему́дрым и просты́м поня́тная. Те́мже почита́юще доброде́лание твое́, хва́лим тя си́це:

Ра́дуйся, та́йны Свяще́ннаго Писа́ния пости́гнувый;

ра́дуйся, па́стве япо́нской сия́ изъясни́вый.

Ра́дуйся, от собо́рнаго ра́зума церко́внаго ника́коже отступи́вый;

ра́дуйся, удобоприя́тны твоя́ глаго́лы твори́вый.

Ра́дуйся, в преложе́ниих рече́ния я́сная избира́вый;

ра́дуйся, ло́жная и ле́стная отмета́вый.

Ра́дуйся, слу́жбу свяще́нную на язы́це япо́нском но́вей Це́ркви дарова́вый;

ра́дуйся, наро́д япо́нский я́ко бра́тий до конца́ возлюби́вый.

Ра́дуйся, смири́вый го́рдость мудрецо́в лжеиме́нных;

ра́дуйся, возлюби́вый кро́тких и смире́нных.

Ра́дуйся, па́ству духо́вным ме́дом и млеко́м пита́вый;

ра́дуйся, бла́женне от трудо́в твои́х премно́гих почи́вый.

Ра́дуйся, святы́й равноапо́стольный Нико́лае, земли́ Япо́нския просвети́телю.

Конда́к 12

Благода́ть Боже́ственная яви́ся я́сно в дея́ниих твои́х, апо́стольским ра́вных, свяще́нне Нико́лае, в любви́ твое́й, самоотверже́нии духо́вных чад твои́х ра́ди и в попече́ниих о стра́ждущих. Наипа́че же Це́рковь Япо́нская доны́не свя́тость твою́ возвеща́ет, с не́юже ку́пно и мы воспева́ем Го́споду: Аллилу́ия.

И́кос 12

Пою́ще ра́достно в ли́це ру́сских святы́х твое́ прославле́ние и равноапо́стольным именова́ние, сро́дниче наш и па́стырю, со все́ю Це́рковию Правосла́вною взыва́ем ти си́це:

Ра́дуйся, Святы́я Це́ркве украше́ние;

ра́дуйся, всех притека́ющих к тебе́ утеше́ние.

Ра́дуйся, пра́вых сужде́ний свято́е зерца́ло;

ра́дуйся, страда́ний ди́вное врачева́ние.

Ра́дуйся, подвиза́ющихся сподви́жниче;

ра́дуйся, нестрое́ния вся́кая исправля́яй.

Ра́дуйся, чад твои́х в ра́йских оби́телех обрета́яй;

ра́дуйся, помина́ющих тя помина́яй.

Ра́дуйся, све́том невече́рним вся озаря́яй;

ра́дуйся, звездо́, от За́пада до Восто́ка просия́вшая.

Ра́дуйся, любве́ Бо́жия пропове́дниче;

ра́дуйся, во вся́ких напа́стех моля́щимся тебе́ ско́рый помо́щниче.

Ра́дуйся, святы́й равноапо́стольный Нико́лае, земли́ Япо́нския просвети́телю.

Конда́к 13

О пресла́вный просвети́телю страны́ Япо́нския, при́сный моли́твенниче наш пред Го́сподем, равноапо́стольне Нико́лае! Приими́ ны́нешнее на́ше приноше́ние и умоли́ Спаси́теля Бо́га, да утверди́т в ве́ре и благоче́стии лю́ди правосла́вныя, и изба́вит нас от вся́ких напа́стей, бед и скорбе́й, враго́в ви́димых и неви́димых, и пода́ст грехо́в оставле́ние, и ве́чных мук избавле́ние, и Ца́рствия Небе́снаго сподо́бит, да ку́пно с тобо́ю и все́ми святы́ми Тро́ице Святе́й во ве́ки веко́в пое́м: Аллилу́ия.

[Се́й конда́к глаго́лется три́жды.]
[Далее повторяем 1-е икос и кондак:]

И́кос 1

А́нгел, я́коже Тови́и иногда́, спутеше́ствова тебе́, о́тче Нико́лае, егда́ в млада́я ле́та твоя́ напра́вил еси́ стопы́ в страну́, дале́че отстоя́щую, да просвети́ши лю́ди, во тьме неве́дения седя́щия, све́том Ева́нгелия Христо́ва. Сего́ ра́ди вопие́м ти си́це:

Ра́дуйся, Смоле́нския земли́ сла́вное рожде́ние;

ра́дуйся, от младе́нства храм Бо́жий возлюби́вый.

Ра́дуйся, в сиротстве́ Богома́терию Одиги́триею не оста́вленный;

ра́дуйся, духо́вными уче́ньми умудре́нный.

Ра́дуйся, на бде́нии всено́щнем призва́ние на труд апо́стольский прие́мый;

ра́дуйся, сла́дость ми́ра ни во что́ же вмени́вый.

Ра́дуйся, чи́на а́нгельскаго и са́на свяще́ннаго удосто́енный;

ра́дуйся, к неве́дящим спасе́ния ми́лости испо́лненный.

Ра́дуйся, пропове́дати Ева́нгелие вожделе́вый;

ра́дуйся, и да́льних я́ко бли́жних возлюби́вый.

Ра́дуйся, гоне́ния за ве́ру не страши́выйся;

ра́дуйся, ко́зней вра́жиих не убоя́выйся.

Ра́дуйся, святы́й равноапо́стольный Нико́лае, земли́ Япо́нския просвети́телю.

Конда́к 1

Избра́нный от родо́в ру́сских на благове́стие Христо́во/ в стране́ Япо́нской, ду́шу твою́ полага́л еси́ за о́вцы твоя́,/ утвержда́я их в ве́ре и́стинней./ Те́мже по́двиги твоя́ почита́юще, хва́лим тя:// Ра́дуйся, святы́й равноапо́стольный Нико́лае, земли́ Япо́нския просвети́телю.

Моли́тва

Свя́тче Бо́жий, па́стырю до́брый, де́лателю ве́рный виногра́да Христо́ва, равноапо́стольне Нико́лае! При́зри на град сей и на лю́ди сия́, моли́ Христа́ Бо́га, да сохрани́т па́ству твою́ от волко́в губя́щих ю́, да низпо́слет нам Ду́ха Своего́ Свята́го дар, во е́же умудри́ти нас ходи́ти пред Ним во вся́ком благоче́стии и чистоте́ во вся дни жи́зни на́шея: да славосло́вяще и́мя Его́ всесвято́е во дни и но́щи, сподо́бимся бы́ти насле́дницы жи́зни ве́чныя, и просла́вим Отца́, и Сы́на, и Свята́го Ду́ха, ны́не и при́сно, и во ве́ки веко́в. Ами́нь.